Kinematografia shqiptare, sot kremton përvjetorin e lindjes së, “Artistit të Popullit” Viktor Gjika, operator, regjizor dhe skenarist i shquar. U lind në Trebickë të Korçës, më 23 Qershor 1937. U diplomua në Moskë, si kinooperator. Karrjerën artistike e filloi me filmin “Debatiku” dhe “Detyrë e posaçme”; ka xhiruar dhe një seri dokumentarësh. Puna e tij e pavarur, si operator dhe regjizor, ishte filmi dokumentar, kushtuar ndërtimit të hidrocentralit të Bistricës, që u nderua me çmim të Republikës, kurse puna e parë regjizoriale, në filmin artistik, ishte “Komisari i Dritës”. Këto ishin hapat e para, që u pasuan me shumë filma dokumentarë dhe artistikë, disa prej të cilave janë nderuar me çmime të festivaleve dhe çmime të Republikës. Viktor Gjika, është autor i disa skenarëve dhe është shquar edhe si kritik arti. Gjatë viteve 1984-1991, ai ka drejtuar kinostudion “Shqipëria e Re”, që ishte e vetmja qëndër kinematografie në vendin tonë.
Referencat:
Thimi Çollaku / Kalendari i botës shqiptare
You may also like
-
7 Shtator 1457, Skënderbeu godet si rrufe! Në betejën e “Ujit të Bardhë” Hamzai dhe Isak Bej Evrenozi u thyen keqas
-
7 Shtator 1894, u nda nga jeta Françesk Anton Santori, poet e dramaturg Arbëresh
-
7 shtator 1910, lindi Profesor Aleksandër Buda, historian studiues, “Mësues i Popullit”
-
7 shtator 1918, lindi gazetari Maqo Afezolli
-
7 shtator 1922, Ahmet Zogu ndaloi hyrjen në Shqipëri të “Diellit”, gazeta e “Vatrës” së Bostonit