Në një familje ikonografësh, më 26 Maj 1913, u lind piktorja e parë shqiptare Androniqi Zengo-Antoniu. Talentin dhe mësimet e para për pikturë, i trashëgoi nga i ati Vangjel Zengo dhe u diplomua në Akademinë e Arteve të Bukura të Athinës. Veprimtarinë artistike e filloi si ikonografe, duke zbukuruar kishat e rrethit të Korçës dhe Devollit dhe e vazhdoi, duke ndjekur metodën e impresionizmit dhe realizmit, duke u shquar në gjininë e portretit dhe te pejsazhit. Pas diplomimit dhe gjatë gjithë jetës së saj, dha mësime vizatimi dhe në kohën e lirë pikturonte. Shtatë dekada më parë, ajo hapi ekspozitën e parë vetiake, që përbënte një ngjarje të jashtëzakonshme për artin tonë. Gjatë jetës së saj hapi dhe 3 ekspozita të tjera vetiake dhe mori pjesë, në shumë ekspozita kolektive. Androniqi është e para piktore shqiptare, që mori pjesë me 15 vepra në ekspozitën ndërkombëtare të New York, në vitin 1939 dhe në konkursin ndërkombëtar të Barit, ku u vlerësua me çmim të tretë.
Referencat:
Thimi Çollaku / Kalendari i botës shqiptare
You may also like
-
31 Korrik 1997, mbledhje ne Rome per rimekembjen e Shqiperise.
-
31 Korrik 1876, filloi ne Mirdite Kryengritja e malesoreve kunder pushtuesve osmane.
-
31 Korrik 1741, lindi Nikollë Keta (Nicola Chetta) poet dhe prift arberesh.
-
31 Korrik 1880, rilindësja jonë e madhe Elena Gjika viziton SHBA
-
31 Korrik 1899, botohet në Bukuresht “Thirrja” drejtuar popullit shqiptar