Më 7 Shkurt 2006, në një spital të Milanos ndërroi jetë piktori i shquar shqiptar Ibrahim Kodra. Sipas amanetit të tij u varros në vendlindjen e tij në Ishëm të Durrësit. Artisti e deshi njeriun, natyrën dhe Shqipërinë dhe këto u pasqyruan në krijimtarinë e tij të pasur, me origjinalitet e stil kubist e postkubist. Ai prezantoi me shumë dinjitet artin shqiptar në botë, duke rivalizuar me sukses edhe penelat më të njohur të kohës kur jetoi. Ibrahim Kodra krijoi figurën dhe stilin e tij duke u mbështetur mbi traditën popullore shqiptare, të lashtë dhe origjinale. Duke shfrytëzuar temën shqiptare, përshtypjet që pati nga vizita në vendlindje, Kodra krijoi vepra ku ndërthuren ngjyrat dhe karakteri modern me atë kombëtar, por duke i mbetur gjithnjë besnik kubizmit të zgjedhur prej tij. Veprat e Ibrahim Kodrës janë prezantuar në dhjetra ekspozita vetjake dhe kolektive në të katër anët e botës dhe në qytetet më të rëndësishme të artit.
Referencat:
Thimi Çollaku / Kalendari i botës shqiptare
You may also like
-
19 Qershor 1166, u mbajt akti i shugurimit të kishës së Shën Trifonit në Kotorr
-
19 Qershor 1608, relacioni i Vendikut përshkruan të ardhurat kolosale nga peshkimi në Butrint
-
19 Qershor 1886, “Shoqënia e Stambollit”, arriti të marrë lejën për hapjen e Shkollës shqipe në Korçë
-
19 Qershor 1921, u themelua në qytetin e Korçës, shoqëria e vajzave “Zhvillimi”
-
19 Qershor 1924, qeveria e Nolit shpalli programin e saj 20 pikësh