Në qytetin e Korçës më 7 Shkurt 1843, u lind atdhetari dhe veprimtari i shquar i Rilindjes sonë Kombëtare Nikolla Naço. Që i ri emigroi në Egjipt e më pas në Rumani, ku u shqua për veprimtari patriotike. Më 1887 u zgjodh kryetar i shoqërisë “Drita” të Bukureshtit. Ai punoi për përhapjen e ideve patriotike, për çeljen e shkollave, për botimin e librave në gjuhën amtare dhe përhapjen e tyre në kolonitë shqiptare. Ai ka drejtuar gazetën “Shqiptari”. Ka dhënë kontribut në shkollën Normale Shqiptaro-Rumune, që pregatiste mësues të shqipes. Nikolla Naço kishte lidhje me shumë personalitete të kohës. Ai është autor dhe bashkëautor i shumë mëmorandumeve që i janë dërguar Portës së Lartë dhe Fuqive të Mëdha për çështjen shqiptare.
Referencat:
Thimi Çollaku / Kalendari i botës shqiptare
You may also like
-
21 Gusht 1908, gazeta ”Kombi” boton kërkesën për krijimin e një province autonome shqiptare
-
21 Gusht 1908, Shoqëria “Bashkimi” i Manastirit shkruante për ngritjen e degëve të klubit në qëndra të tjera të Shqipërisë
-
21 Gusht 1920, forcat jugosllave pushtojnë zonat e Malësisë së Shkodrës
-
21 Gusht 1924, përfundon punimet Kongresi Arsimor
-
21 Gusht 1941, u formua Çeta e Pezës