Shqiptari, që luftoi për demokracinë në Spanjë, që komandoi njësitë vullnetare antifashiste për çlirimin e Marsejës, gjeneral Veli Dedi, “Hero i Popullit”, u lind në Medvegje të Jabllanicës, më 5 Prill 1912. Mësimet e para i mori në vendlindje, të mesmen e kreu në Beograd. Në moshën 20 vjeçare, erdhi në Shqipëri dhe përfundoi në Tiranë Shkollën Ushtarake Mbretërore. U diplomua në Itali në Akademinë e Artilerisë dhe të Xhenjos. 3 vjet luftoi në brigadat ndërkombëtare në mbrojtje të Republikës Spanjolle. 5 vjet të tjera luftoi me partizanët francezë kundër pushtimit nazist të atdheut të Revolucionit të madh Francez. Pas fitores së madhe mbi nazifashistët, në janar 1946, u kthye në Shqipëri dhe shërbeu si oficer madhor në rradhët e Ushtrisë dhe në Ministrinë e Mbrojtjes. Disa vite me radhë drejtoi Arkivin Qëndror të Shtetit. Në vitin 1959, Veli Dedit iu dha grada gjeneral-major. Ai meritoi gjithashtu titullin e lartë “Hero i Popullit” dhe dekoratat “Kavaljeri i Lirisë” dhe “Luftëtar i Brigadave Ndërkombëtare”.
Referencat:
Thimi Çollaku / Kalendari i botës shqiptare
You may also like
-
3 Shkurt 2017, u shua pena e madhe Dritëro Agolli
-
3 Shkurt 1913, filluan veprimet luftarake kundër Turqisë nga shtetet ballkanike
-
3 Shkurt 1913, lindi në Mitrovicë futbollisti i Juventusit, Riza Lushta
-
3 Shkurt 1925, Shqipëria aderon në konventën “Mbi opiumin”
-
3 Shkurt 1940, u shua kompozitori i Rilindjes Martin Gjoka