Në qytetin e lashtë të Shkodrës, më 24 Mars 1895, u lind pedagogu, gazetari dhe përkthyesi Karl Gurakuqi, një nga diplomantët e parë shqiptarë të Universitetit të Gracit. Më 1917, u kthye në Atdhe dhe punoi mësues në Shkodër. Në vitin 1920, u transferua në Vlorë si inspektor arsimi ku u miqësua me Avni Rustemin dhe së bashku drejtuan federatën “Atdheu”. Nga pena e Karl Gurakuqit kanë dalë artikuj dhe studime të shumta, që i ndeshim në fletoret e kohës si “Agimi”, “Telegraf, “Ora”, “Revista Pedagogjike”, “Përpjekja shqiptare”, “Illyria, etj. Ka drejtuar organe të rëndësishme të shtypit, si revistën “Agimi”, “Revistën Pedagogjike”, “Mësuesi”, “Shkolla kombëtare”, etj. Ai ka lënë edhe disa tekste mësimore si, “Libër leximi” për shkollat e mesme, “Gramatika latine”, “Ushtrimet e gramatikës latine”, “Sintaksa latine”. Ka përkthyer veprat e albanologut Karl Patç, “Ilirët” dhe “Gjëndja ekonomike dhe kulturore e Shqipnisë në kohën e kalueme”.
Referencat:
Thimi Çollaku / Kalendari i botës shqiptare
You may also like
-
19 Tetor 1429, evidenca të mesjetës; Shqipëria eksportuese e madhe e lëndës drusore
-
19 Tetor 1912, lufta për mbrojtjen e Shkodrës
-
19 Tetor 1920, lindi akademiku Mark Krasniqi
-
19 Tetor 1928, greva e punëtorëve të shoqërisë konçesionare “Mazorana”
-
19 Tetor 1938, u ndalua me ligj mbajtja e plisit “qelesheve të bardha”