Kinematografia shqiptare, sot kremton përvjetorin e lindjes së, “Artistit të Popullit” Viktor Gjika, operator, regjizor dhe skenarist i shquar. U lind në Trebickë të Korçës, më 23 Qershor 1937. U diplomua në Moskë, si kinooperator. Karrjerën artistike e filloi me filmin “Debatiku” dhe “Detyrë e posaçme”; ka xhiruar dhe një seri dokumentarësh. Puna e tij e pavarur, si operator dhe regjizor, ishte filmi dokumentar, kushtuar ndërtimit të hidrocentralit të Bistricës, që u nderua me çmim të Republikës, kurse puna e parë regjizoriale, në filmin artistik, ishte “Komisari i Dritës”. Këto ishin hapat e para, që u pasuan me shumë filma dokumentarë dhe artistikë, disa prej të cilave janë nderuar me çmime të festivaleve dhe çmime të Republikës. Viktor Gjika, është autor i disa skenarëve dhe është shquar edhe si kritik arti. Gjatë viteve 1984-1991, ai ka drejtuar kinostudion “Shqipëria e Re”, që ishte e vetmja qëndër kinematografie në vendin tonë.
Referencat:
Thimi Çollaku / Kalendari i botës shqiptare
You may also like
-
10 Maj 1330, u bekua Manastiri i Shën Gjon Vladimirit, ndërtuar prej Karl Topisë, Princ i Krujës dhe Zot i Durrësit
-
10 Maj 1467, një letër e shkruar në Venedik mbi fitoren e Gjergj Kastriotit kundër Ballaban Pashës
-
10 Maj 1819, Ali Pashë Tepelena e mori qytetin e Pargës pa luftë
-
10 Maj 1892, në kryeqytetin Rumun, u hap shkolla e parë Normale në Gjuhën Shqipe
-
10 Maj 1897, Visar Dodani filloi botimin e gazetës “Shqipëria” në Bukuresht