Në Ujmishte të Lumës, më 19 Maj 1894 u lind Muharem Bajraktari. Kreu shkollën ushtarake në Insbruk të Austrisë. Pas diplomimit shërbeu në radhët e ushtrisë shqiptare. Luftoi kundër forcave të Revolucionit të Qershorit dhe u gradua oficer madhor prej Ahmet Zogut. Më 1927 u emërua komandant i përgjithshëm xhandarmërisë. Për fërkimet që kishte me inspektorin anglez, Zogu e caktoi adjutantin e vet. Kjo u bë shkak për armiqësinë e tij me mbretin dhe arratisjen në Jugosllavi. Gjatë kohës së Luftës së II Botërore, u kthye në atdhe dhe krijoi një çetë nacionalistësh, që luftoi si kundër pushtuesve, ashtu dhe kundër forcave partizane. Mbas Luftës, u arratis në Maqedoni dhe më pas në Greqi, Itali dhe në Belgjikë. Ai është një nga themeluesit dhe veprimtarët e Komitetit “Shqipëria e Lirë”. Vdiq në mërgim, në vitin 1989.
Referencat:
Thimi Çollaku / Kalendari i botës shqiptare
You may also like
-
9 Maj në dokumentat kishtare të shek VI përmendet Papa Inocenti dhe kombi arbëror
-
9 Maj 1912 në fletoren “Liria e Shqipërisë”, u botua thirrja e udhëheqësve të kryengritësve kosovarë, Mahmut Zajmit, Bajram Dakolanit, etj
-
9 Maj 1920, në prag të kryengritjes së armatosur, Italianët shpallën gjëndjen e jashtëzakonshme në Shqipëri
-
9 Maj 1945, kapitullojnë forcat gjermane ne Luften e Dytë Botërore
-
9 Maj 1967, vdiq Dhimitër Pasko, apo siç njihet me pseudonimin Mitrush Kuteli