Edith Durham
U nda nga jeta, më 15 Nëntor 1944, mikja e madhe angleze e popullit tonë, albanologia e shquar Edith Durham. Që nga fillimi i shekullit të kaluar, e deri në fund të jetës, ajo iu përkushtua çështjes kombëtare, e përkrahu atë dhe popullin tonë në ditët më të vështira me botime të shumta, por dhe me ndihma materiale, për viktimat e pafajshme të luftrave ballkanike dhe terrorit shovinist të fqinjëve. Dhe shqiptarët ditën t’ia shpërblejnë mirësinë dhe humanizmin e saj shëmbullor. Në vitet e Luftës së II Botërore, kur Londra bombardohej nga nazistët dhe populli vuante për bukë, Fan Noli dhe mërgimtarë të tjerë, dërguan në adresë të saj ushqime dhe veshmbathje. Sot, emrin e mikes së madhe, Edith Durham, e mbajnë shkolla dhe rrugë të kryeqytetit dhe Shqipërisë.
Referencat:
Thimi Çollaku / Kalendari i botës shqiptare
You may also like
-
18 Shtator 1204, Venediku i shkëputi Arbrit, krahinat më strategjke e tokat më të mira
-
18 Shtator 1415, sistemi doganor i Kastriotëve dëshmohet nga një kronikë e kohës
-
18 Shtator 1803, qeveritari francez i Korfuzit raporton; Ali Pasha me diplomaci të hollë ka plane ambicioze
-
18 Shtator 1835, Veziri i Madh i Perandorisë vjen në Shkodër për të shtypur kryengritjen
-
18 Shtator 1921, trupat serbe dhe forcat e Esat Toptanit bombarduan fshatra shqiptare; 2 muaj luftime të ashpra