Në Tropojë, më 11 Mars 1963, u lind Azem Hajdari, udhëheqës i lëvizjes studentore, një nga themeluesit e Partisë Demokratike, anëtar i kryesisë së saj, kryetar i Komisionit Parlamentar të Mbrojtjes. U diplomua në Universitetin e Tiranës për filozofi dhe drejtësi, kreu dy kurse studimi pasuniversitar në Shtetet e Bashkuara të Amerikës dhe kurse për politikat e mbrojtjes, në Garmish te Republikës Federale Gjermane. Në vitin1990, udhëhoqi lëvizjen antikomuniste të dhjetorit që shpuri në përmbysjen e sistemit socialist. Zgjedhesit e Shkodrës, Shijakut, Bulqizës dhe të Tropojës, e kishin Azem Hajdarin, perfaqësuesin a tyre në katër legjislatura të Kuvendit të Republikës së Shqipërisë. Në Parlament ai ka drejtuar Komisionin Parlamentar për Rendin dhe SHIK-un dhe Komisionin e Mbrojtjes. Në aktivitetet shoqërore, Azem Hajdari ka qënë President i Klubit Sportiv “Vllaznia” të Shkodrës dhe President i Federatës Shqiptare të Arteve Marciale. U vra pranë Selisë së Partisë Demokratike, në shtator të vitit 1998. Në këtë atentat, u plagosën rëndë dhe dy truprojat e tij Besim Cerja dhe Zenel Neza, prej të cileve, i pari vdiq prej plagëve të marra.
Referencat:
Thimi Çollaku / Kalendari i botës shqiptare
You may also like
-
20 Qershor 1444, u zhvillua beteja e parë e ushtrisë shqiptare që komandohej nga Gjergj Kastrioti
-
20 Qershor 1878, Sami Frashëri, Jani Vreto e Zija Prishtina, i drejtuan Kongresit të Berlinit një memorandum
-
20 Qershor 1879, filloi për herë të pare prodhimi i kripës në Shqipëri
-
20 Qershor 1886, lindi patrioti Ligor Thoma Bellovoda
-
20 Qershor 1914, forcat rebele sulmuan Karbunarën dhe pika të tjera të Myzeqesë