Çesk Zadeja, njëri prej themelonjësve të muzikës klasike shqiptare, u lind në Shkodër, më 8 Qershor 1927. U diplomua në Konservatorin “Santa Çeçilja” të Romës. Në vitet 1946-1947, ka drejtuar redaksinë e muzikës në Radio-Shkodra dhe më pas dirigjent i Asamblit të Ushtrisë. Çesk Zadeja, u bë i njohur dhe zuri vendin e korifeut të muzikës sonë pas përfundimit shkëlqyeshëm të Konservatorit, “Çajkovski” të Moskës. Sinfonia e tij e parë, i solli Çmimin kombëtar. Më pas pasuan shumë vepra të tjera, që janë gurë themeltarë të muzikës sonë të kultivuar. Zadeja ka dhënë ndihmesën e tij si udhëheqës artistik, i Asamblit të Këngëve dhe Valleve, si pedagog në Konservatorin e Tiranës, si udhëheqës artistik i Teatrit të Operas dhe Baletit në Tiranë. Për punën e tij të madhe dhe të frytshme, ka fituar titullin “Artist i Popullit” dhe Profesor; ai ka merituar shumë urdhëra dhe çmime dhe sot disa veprimtari kombëtare muzikore, mbajnë emrin e tij.
Referencat:
Thimi Çollaku / Kalendari i botës shqiptare
You may also like
-
19 Maj 1456, në betejën e Oranikut, Gjergj Kastrioti Skënderbeu, korri një fitore të dyfishtë
-
19 Maj 1835, u zhvillua një betejë e përgjakshme, në rrugët e qytetit të Shkodrës
-
19 Maj 1879, Lidhja Shqiptare e Prizrenit, i parashtroi autoriteteve osmane, njohjen e autonomisë për administratën gjyqësore
-
19 Maj 1894, u lind Muharem Bajraktari, në Ujmishte të Lumës
-
19 Maj 1911, u lind Shyqo Basha, Doktori i Shkencave Mjekësore