Në qytetin e Korçës, më 22 Qershor 1940, u lind mjeku Gjergji Minga, “Doktor i Shkencave Mjekësore”. Në vitin 1961, u diplomua në Fakultetin e Mjekësisë në Tiranë. Për rezultate të mira në mësime, krahas praktikës mjekësore, jepte dhe leksione në Fakultet dhe gjatë viteve 1970-1975 edhe në Fakultetin e Mjekësisë në Prishtinë. Pesë vjet provoi qarkullimin në spitalin e Shkodrës. Pas kthimit në Tiranë, vazhdoi leksionet në Fakultet, punoi në dikasterin e Shëndetsisë dhe drejtoi qëndrën e Mjekësisë Bërthamore. Doktor Minga, është autor i 8 teksteve universitare, i një monografie, i disa dhjetra artikujve shkencorë dhe bashkautor i fjalorit latinisht-shqip. Si shumë mjekë me shpirt të ndjeshëm, doktorin e ka tërhequr arti dhe kultura. Që kur ishte student, ka drejtuar gazetën satirike, “Syri dhe veshi” dhe “Orën gazmore” të fakultetit, ka organizuar dhe drejtuar shumë veprimtari artistike studentore. Nga pena e tij, kanë dalë dhe skenarë, skeçe, parodi, vjersha satirike. Në faqet e gazetave dhe revistave të kohës, ka botuar shkrime letrare dhe publicistike.
Referencat:
Thimi Çollaku / Kalendari i botës shqiptare
You may also like
-
7 Maj 1485, u laurua për filozofi Nikollë Leonik Tomeu, apo siç quhej shpesh dhe Epirioti
-
7 Maj 1840, u lind Pjotër Iliç Çajkovski, një nga kompozitorët më të shquar rus dhe botëror
-
7 Maj 1861, u lind një nga figurat më të shquara të letërsisë dhe shkencës indiane, Rabindranat Tagora
-
7 Maj 1879, delegatët e Lidhjes së Prizrenit në Prishtinë kërkuan të administronin vetë gjykatat
-
7 Maj 1914, andartët grekë sulmuan Nikolicën dhe Arrezën