Më 7 Maj 1485, u laurua për filozofi Nikollë Leonik Tomeu, apo siç quhej shpesh dhe Epirioti, një ndër humanistët më të shquar që ka nxjerrë vendi ynë. Ai u lind në Venedik, në vitin 1456, në një familje që kishte mërguar nga Durrësi. Në veprat që ka lënë, e përmend me krenari prejardhjen shqiptare. Në vitet 1504- 1531, ishte një ndër intelektualët më të njohur të Venedikut dhe drejtues i shoqërisë, “Shkolla e Shqiptarëve”, qëndër e kulturës shqiptare në mërgim. Më 1497, Nikolla u emërua profesor dhe titullar i katedrës së filozofisë në Universitetin e Padovës, ku pati si student dhe Nikolla Kopernikun, një ndër astronomët më të mëdhenj të Mesjetës. Si poliglot dhe njohës i mirë i kulturës antike dhe të kohës, Tomeu ka lënë një seri veprash si, “Dhjetë dialogët”, “Aristoteli, historia e jetës dhe veprave”, studime historike dhe filozofike. Humanisti shqiptar, ishte materialist dhe veprat e tij u dogjën nga inkuizicioni.
Referencat:
Thimi Çollaku / Kalendari i botës shqiptare
You may also like
-
24 Gusht 1461, Raguza i bën pritje madhështore Heroit tonë, Gjergj Kastrioti
-
24 Gusht 1913, doli numëri i parë i gazetës “Përlindja e Shqipërisë”
-
24 Gusht 1919, dekonspirimi i marrëveshjes së fshehtë, midis Francës dhe Greqisë ngjallën revolta midis shqiptarëve
-
24 Gusht 1969, përfundoi Spartakiada e II Kombëtare
-
24 Gusht 1992, u ngrit konsullata e parë shqiptare në Tel Aviv