Në një familje të thjeshtë krutane, më 2 Mars 1931, lindi Ramiz Kovaçi, këngëtar i shquar liriko-dramatik, bariton i njohur i skenës tonë dhe i skenave të huaja, “kurorë e roleve baritoniane”, sikurse e ka cilësuar kritika muzikore. Studimet e larta për kanto i ndoqi në konservatorin e Sofjes dhe ishte student i këngëtarit me famë botërore Brumberov. Specializimin e kreu në Milano të italisë. Karrierën artistike e filloi në 1959, në Teatrin e Operas dhe Baletit në Tiranë, ku realizoi mbi 30 role kryesore në operat shqiptare dhe ato të huaja. Zëri i tij brilant u duartrokit edhe në skenat e italisë, Bullgarisë, Bashkimit Sovjetik, Rumanisë, Hungarisë, Turqisë, Kinës, Greqisë etj. Ramiz Kovaçi si pedagog ka pergatitur breza të tërë këngëtarësh. Mbi 20 vjet dha mësim në Liceun Artistik “Jordan Misja” dhe në Akademinë e Arteve të Bukura në Tiranë, ai u ftua për të dhënë mësim edhe në konservatorin e Stambollit, ku dhe vdiq në vitin 1994.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës