Pedagogu dhe studiuesi i shquar Lirak Dodbiba, u lind në Elbasan, në Nëntor të vitit 1912. Mësimet e para i mori në vendlindje dhe në Itali dhe u diplomua në Universitetin e Lionit për psikologji. Pas kthimit në atdhe emërohet inspektor i Arsimit në Berat. Në prill të vitit 1941, bashkë me shumë arsimtarë të tjerë, shkon vullnetar për të dhënë mësim në shkollat e Kosovës. Pas kthimit dha mësim në institutin Teknik “Karl Gega” në gjimnazin e Tiranës dhe më pas më institutin Pedagogjik që u hap në Tiranë. Ai ka lënë 6 metodika të mësimdhënies së gjuhës shqipe, tekste mësimore për pedagogjinë, psikologjinë dhe logjikën, është autor i fjalorëve terminologjik, tekniko-shkencorë në tri gjuhë për 17 degë të shkencave, bashkëautor i Atlasit Linguistik të Mesdheut që është botuar nga Fondacioni Grigorio Cini di Venezia. Në bashkëpunim më pedagogun Petër Elezi kanë pregatitur dhe botuar tekstin “Gramatika e gjuhës shqipe”. Dodbiba është dekoruar me titullin “Mësues i Merituar”, “Bashkëpunëtor i vjetër shkencor” dhe është dekoruar me disa medalje dhe urdhëra. U nda nga jeta më 14 Shkurt 1982.
Referencat:
Thimi Çollaku / Kalendari i botës shqiptare
You may also like
-
7 Maj 1485, u laurua për filozofi Nikollë Leonik Tomeu, apo siç quhej shpesh dhe Epirioti
-
7 Maj 1840, u lind Pjotër Iliç Çajkovski, një nga kompozitorët më të shquar rus dhe botëror
-
7 Maj 1861, u lind një nga figurat më të shquara të letërsisë dhe shkencës indiane, Rabindranat Tagora
-
7 Maj 1879, delegatët e Lidhjes së Prizrenit në Prishtinë kërkuan të administronin vetë gjykatat
-
7 Maj 1914, andartët grekë sulmuan Nikolicën dhe Arrezën