Sot përkujtohet inxhinier Remzi Baçe. U lind në Përmet, rnë 1890. Mbaroi gjimnazin “Zosimea” të Janinës dhe u diplomua në Universitetin Teknik të Vjenës. Ishte anëtar i shoqërisë studentore “Albania” dhe bashkëpunëtor i gazetës “Djalëria” që nxirrte ajo. Pas diplomimit, punoi inxhinier në Ministrinë e Punëve Botërore në Tiranë. Si anëtar aktiv i shoqërisë “Bashkimi”, të Avni Rustemit dhe pjesëmarrës me armë në Revolucionin e Qershorit, pas triumfit të Legalitetit, emigron në Turqi, ku punoi si inxhinier në ndërtimin e hekurudhave. Më 1928, kthehet në atdhe dhe punon inxhinier në fushën e bonifikimeve . Më 1932, arrestohet dhe dënohet me burgim të përjetshëm. Gjatë luftës Nacionalçlirimtare, radhitet me çetën “Dajti”. Pas luftës, deri sa doli në pension, në vitin 1966, dha ndihmesën e tij në bonifikimin dhe në Institutin e Hidrometerologjisë. Ndërroi jetë, më 13 Maj 1967.
Referencat:
Thimi Çollaku / Kalendari i botës shqiptare
You may also like
-
20 Qershor 1444, u zhvillua beteja e parë e ushtrisë shqiptare që komandohej nga Gjergj Kastrioti
-
20 Qershor 1878, Sami Frashëri, Jani Vreto e Zija Prishtina, i drejtuan Kongresit të Berlinit një memorandum
-
20 Qershor 1879, filloi për herë të pare prodhimi i kripës në Shqipëri
-
20 Qershor 1886, lindi patrioti Ligor Thoma Bellovoda
-
20 Qershor 1914, forcat rebele sulmuan Karbunarën dhe pika të tjera të Myzeqesë