Në Kosinë të Përmetit, më 12 Shkurt 1932, u lind mjeku Mantho Nakuçi. Pas diplomimit në Fakultetin e Mjekësisë në vitin 1957, punoi në rrethet e Përmetit, Tepelenës dhe Durrësit. Në vitin 1968 transferohet në Tiranë, si pedagog i Fakultetit të Mjekësisë dhe pas katër vitesh emërohet shef i Katedrës së Dermatologjisë. Veprimtaria e tij e gjerë pedagogjike, shkencore dhe artistike çoi në botimin e dhjetra artikujve shkencorë, si dhe në marrjen e titullit Profesor dhe Çmimin e Republikës. Për meritat e tij shkencore dhe kulturore instituti Amerikan i Biografive i ka përzgjedhur në “Five Hundred Ladders of influence”, për vitin 1999, Qendra Ndërkombëtare e Boigrafive të Kembrixhit e ka nderuar me medaljen “International Man of Millennium” dhe e ka përfshirë në Fjalorin Ndërkombëtar të Biografive për vitin 1999, ndërsa shoqatat e dermatologëve të Francës, Greqisë dhe Bullgarisë e kanë anëtarësuar në gjirin e tyre.
Referencat:
Thimi Çollaku / Kalendari i botës shqiptare
You may also like
-
12 Shkurt 1882, në Shkodër u luajt drama e poetit arbëresh Leonardo de Martino
-
12 Shkurt 1891, lindi Petref Pogoni, arsimtar i dekoruar me Urdhërin “Kalorës i Legjionit të Nderit”
-
12 Shkurt 1919, Qeveria e Durrësit kërkon kthim të mëvetësisë
-
12 Shkurt 1931, në atentatin kundër Zogut në Vjenë, mbeti i vrarë adjutanti i tij Llesh Topollaj
-
12 Shkurt 1945, doli në Prishtinë numri i parë i gazetës “Rilindja”