Më 22 Prill 1881, pranë fshatit Slivova, u zhvillua një betejë e ashpër ndërmjet forcave të shumta osmane të udhëhequra nga Dervish Pasha dhe forcave të Lidhjes Shqiptare të Prizrenit, që komandoheshin nga Mic Sokoli, Binak Alia dhe Sulejman Vokshi. Luftimet zgjatën 5 orë dhe shkaktuan humbje të rënda, për të dy palët. Turqit lanë në fushën e betejës 1800 të vrarë, kurse shqiptarët 800 dëshmorë. Gjatë betejës, armiku që kishte epërsi në numër dhe armatime, përdori edhe artilerinë. Për të ngritur moralin e bashkëluftëtarëve, komandant Mic Sokoli, u hodh mbi grykën e topit dhe u vra duke e mbuluar me trupin e tij. Për atdhetarizmin dhe trimërinë e tij, Kuvendi Popullor i ka dhënë titullin e lartë, “Hero i Popullit”. Ai është përjetsuar në art dhe muzikë. Tabloja e Sali Shijakut, “Mic Sokoli” pasqyron aktin e fundit heroik në Slivovë, më 22 Prill të vitit 1861, kur ra për t’u përjetsuar në historinë e kombit tonë.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës