Operatori, regjizori, “Artisti i Merituar”, Pali Kuke, u lind më 17 Prill 1947. Pas diplomimit në Universitetin e Tiranës në vitin 1969, u emërua operator. Xhiroi dhjetra e qindra telekronika. Në vitin 1975, xhiroi filmin e parë artistik televiziv “Zani partizani”, ku ishte operator dhe regjizor. Pas tij, erdhën dhe 7 filma të tjerë. Ato u pëlqyen nga shikuesi dhe u vlerësuan nga kritika. Filmi “Udha e shkronjave” i pruri operatorit “Çmimin e Republikës të klasit të parë” dhe “Çmimin e Festivalit të IV të Filmit Shqiptar”. Bashkë me operatorin Stefan Gajo, xhiruan filmat e parë serialë televizivë: “I treti”, “I paharruari”, “Të shoh në sy”, etj. Si regjizor Pali Kuke, realizoi disa filma të shkurtër televizivë, për figura të shquara artistike. Dy prej tyre, i kushtohen këngëtares sonë të shquar Inva Mula.
Referencat:
Thimi Çollaku / Kalendari i botës shqiptare
You may also like
-
1 Shtator 1888, lindi në Prishtinë “Mësuesi i Merituar” Ahmet Gashi
-
1 Shtator 1892, Petro Nini Luarasi hapi në Kolonjë 6 shkolla shqipe
-
1 Shtator 1907, regjistrohet popullsia në Athos të Greqisë; Shumica ishte shqiptare
-
1 Shtator 1908, u themelua në Manastir klubi patriotik “Bashkimi”
-
1 Shtator 1914, Turkoshakët që ishin kundër Vidit, ngritën në Durrës flamurin turk