Më 8 Shkurt 1920, Qeveria e dalë nga Kongresi i Lushnjës u vendos në Tiranë, e cila u bë kryeqytet i vendit. Kjo ngjarje luajti një rol vendimtar në zhvillimin e qytetit, që atëherë kishte vetëm 17 mijë banorë. Treva e Tiranës ka qënë e banuar që nga neoliti. Rrëzë Dajtit janë zbuluar rrënojat e një kështjelle të shekujve të parë të erës së re, përreth qytetit të sotëm ngrihen edhe disa kështjella të lashta si ajo e Petrelës, Pezës, Ndroqit, Farkës, etj. Monumenti më i lashtë i Tiranës është mozaiku i zbuluar pranë Kroit të Shën Gjinit. Dita e themelimit të Tiranës është viti 1614, ku nën kujdesin e Sulejman Pashë Bargjinit u ngrit një xhami, që u dogj nga pushtuesit gjermanë gjatë kohës së Luftës, në Nëntor të vitit 1944, një banjë apo hamam siç quhej atëherë, një furrë dhe disa dyqane.
Referencat:
Thimi Çollaku / Kalendari i botës shqiptare
You may also like
-
20 Gusht 1463, u përfundua marrëveshja e paqes midis Senatit të Venedikut dhe Gjergj Kastriotit
-
20 Gusht 1629, në relacionin e Gjergj Bardhit flitet për rezistencën që malësorët e Dukagjinit, i bëjnë pushtuesve osmanë
-
20 Gusht 1892, lindi Sali Ceka, “Mësues i Popullit”
-
20 Gusht 1906, lindi një nga figurat madhore të kulturës dhe diasporës sonë, Doktor Stavro Skëndi
-
20 Gusht 1919, Qeveria Italiane nënshkruan marrëveshjen me delegacionin e Qeverisë së Durrësit