Në Shkodër, më 19 Korrik 1900, u lind At Ciprian Nika, i rritur jetim, por me një zgjuarsi të natyrshme, pas përfundimit të Kolegjit Françeskan, ndoqi studimet e larta në Insbruk të Austrisë dhe në Romë, ku shugurohet meshtar. Në qytetin e lindjes përveç shërbesave fetare, u mor dhe me veprimtari artistike dhe kulturore. Ai ishte instrumentist, në bandën muzikore të françeskanëve dhe ndër bashkëpunëtorët më të ngushtë, të At Martin Gjokës. Bashkë me Anton Harapin, Gjërgj Fishtën dhe Donat Kurtin, kanë bashkëpunuar me revistën e njohur “Hylli i Dritës”, ku ka botuar shumë shkrime dhe studime. At Ciprian Nika, ka mbajtur dhe poste të larta në hiearkinë kishtare dhe në Kuvendin Françeskan të Shkodrës. Në vitin 1946, u arrestua nga regjimi i kohës dhe u pushkatua pa gjyq.
Referencat:
Thimi Çollaku / Kalendari i botës shqiptare
You may also like
-
30 Janar 1550, lindi Gjergj Basta, ushtarak austriak me prejardhje shqiptare
-
30 Janar 1811, ikonografi Gjergj Çetiri zbukuron kishën e Shën Pjetrit
-
30 Janar 1880, u shua Zef Jubani, ideolog i Rilindjes Kombëtare
-
30 Janar 1926, lindi kompozitori Tish Daija
-
30 Janar 1931, marrëveshje me Austrinë për heqjen e vizave