Sot përkujtohet Halim Xhelo, Hero i Popullit. Luftëtar i çetës kryengritëse të Spiro Bellkamenit, një ndër organizatorët dhe luftëtarët e Luftës së Vlorës më 1920, pjesëmarrës dhe përkrahës i Revolucionit të Qershorit 1924, për të cilën u dënua me vdekje në mungesë nga qeveria e Zogut. Në mërgim kreu studimet për shkencat politiko-shoqërore në Universitetin e Firences. Pas diplomimit drejtoi gazetën “Politika” dhe redaktoi fletoren “Liria Kombëtare”. Jetoi dhe zhvilloi veptimtarinë në Francë, Zvicër, Belgjikë, Greqi, Austri, Gjermani dhe në Bashkimin Sovjetik. Si veprimtar i Kominternit, u mundua të krijojë në rradhët e emigrantëve politikë frontin e rezistencës kundër nazifashizmit, që kërcënonte lirinë dhe pavarësinë e Shqipërisë. Vdiq, më 13 Shkurt 1937, në moshën 43 vjeçare.
Referencat:
Thimi Çollaku / Kalendari i botës shqiptare
You may also like
-
17 Qershor 1984, u zbulua një rrasë varri e vitit 1201, që flet për principatën e Arbërit
-
17 Qershor 1815, lindi luftëtari trim Dasho Shkreli
-
17 Qershor 1878, Kuvendi Kombëtar i Lidhjes së Prizrenit, miratoi “Statutin e Lidhjes Shqiptare”
-
17 Qershor 1907, lindi pioneri i shkencës së veterinarisë shqiptare, Prof. Dhimitër Vavakos
-
17 Qershor 1912, mësuesi Jani Minga organizoi një shfaqje artistike, në shkollën shqipe të Kaninës