Bedri Dedja
Në qytetin e Elbasanit, më 20 Nëntor 1925, u lind pedagogu i shquar, psikologu, shkrimtari për fëmijë, akademiku Bedri Dedja. U diplomua në Universitetin e Moskës dhe pas kthimit në Atdhe dha leksione në Institutin Pedagogjik të Tiranës dhe Elbasanit. Drejtoi Institutin e Studimeve Pedagogjike dhe përgatiti breza të tërë studentësh në Universitetin e Tiranës. Ka lënë dhjetra vëllime me poezi, tregime, skica, novela, romane, studime letrare, tekste shkollore etj. Për veprimtarinë e tij të gjerë, iu dha titulli “Profesor”, u zgjodh anëtar i Akademisë së Shkencave dhe u laurua me Çmimin e Shkallës së Parë të Republikës.
Referencat:
Thimi Çollaku / Kalendari i botës shqiptare
You may also like
-
20 Tetor 1900, u shua poeti ynë kombëtar Naim Frashëri
-
20 Tetor 1715, botimi i Françesko da Leçe, libër themelor i gramatikës shqip
-
20 Tetor 1752, u pikturua nga vëllezërit Zografi kisha e “12 Apostujve”
-
20 Tetor 1784, testament i tregtarit Shkodran Gjergj Kraja
-
20 Tetor 1880, u mbajt Kuvendi i Përgjithshëm, në Dibër