Shqipëria sot kremton ditëlindjen e Kostandin Kristoforidhit, një nga studiuesit më të shquar të shekullit të XIX. U lind në një familje argjendari në Elbasan, më 7 Mars 1827. Studjoi në gjimnazin “Zosimea” të Janinës. Në vitin 1860 përktheu në gjuhën shqipe “Dhjatën e re”, në variantin gegërisht me alfabetin latin dhe variantin toskërisht me alfabetin grek, duke hedhur kështu gurët e parë në themelet e përkthimit shqip dhe të predikimit në gjuhën amtare në kishat tona. Për vlerat gjuhësore këto Shqipërinë e bënë të quhet “babai i gjuhës shqipe”. Kristoforidhi është autor i një gramatike të gjuhës shqipe, shkruar në greqisht dhe botuar në Athinë më 1882 dhe fjalorit shqip-greqisht, botuar po në kryeqytetin grek pas vdekjes së tij. Deri vonë ai ka qënë fjalori më i mirë i gjuhës shqipe. Për fëmijët ka shkruar “Historia e shenjtës shkronjë për dile” botuar në Stamboll, më 1870 dhe tregimin “Gjahu i malësorëve”, që është një nga veprat e para të prozës artistike.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj