Në qytetin e Shkodrës, më 4 Qershor 1896, u lind Dr. Nush Bushati. Mësimet e para i mori në vendlindje, pastaj vazhdoi Liceun e Gracit në Austri dhe u diplomua jurist, në Universitetin e Vjenës. Jeta e tij studentore, ishte e ngjeshur me veprimtari të shumta politike, publicistike dhe kulturore. Ai udhëheq shoqërinë, “Albania” dhe drejtoi redaksinë e revistës “Djalëria”. Pas diplomimit, punoi në arkivat e Ministrisë së Punëve të Jashtme të Austrisë, për vjeljen e dokumentacionit, për Shqipërinë. Në Shqipëri, u zgjodh deputet i Shkodrës në Asamblenë Kombëtare dhe sekretar i përgjithshëm i saj. Në ato vite, ishte ndër figurat e shquara të opozitës, pjesëmarrës në Revolucionin e Qershorit, Noli e emëroi konsull të përgjithshëm të Shqipërisë në Vjenë. Pas fitores së Legalitetit, Nush Bushati, qëndroi në Vjenë dhe iu kushtua artit skenik. Më 1930, u kthye në Shqipëri dhe drejtoi Oganizatën e Rinisë Shqiptare. Pas dy vitesh, zgjidhet deputet i Dibrës. Në vitin 1935, drejtoi Ministrinë e Arsimit. Në këtë post, punoi edhe në vitet e pushtimit fashist të vendit. Para mbarimit të luftës, shkoi në Vjenë ku jetoi deri sa vdiq, në vitin 1973.
Referencat:
Thimi Çollaku / Kalendari i botës shqiptare
You may also like
-
1 Prill 1258, despoti Mihal i Epirit i jep Burtintin dhe bregdetin Shqiptar, si prikë për martesë, birit të Perandorit gjerman
-
1 Prill 1835, vdiq Bartelemeo Pinelli, skulptor e piktor italian
-
1 Prill 1933, Italia i ndërpreu Tiranës këstin e huasë; vendi u zhyt në krizë
-
1 Prill 1929, hyri në fuqi Kodi i parë Penal në Shqipëri
-
1 Prill 1967, nisi aksioni i rinisë për ndërtimin e rrugës në Malësi të Madhe