Një ndër kineastët e parë shqiptar, Endri Keko, u lind në një familje korçare, që kishte emigruar në SHBA, më 31 Maj 1917. U kthye në Shqipëri gjatë Luftës Nacionalçlirimtare, deri në vitin 1948, punon si oficer në radhët e ushtrisë, dy vjet të tjera në Komitetin e Arteve. Në vitin 1950, filloi studimet për regjizurë filmash dokumentarë në Moskë. Kështu, u bë një ndër themeluesit dhe regjizorët e parë të kinostudios ”Shqipëria e Re”, që shënon dhe lindjen e kësaj gjinie kinematografike në vendin tonë. Ai është edhe themeluesi i kinoreportazhit, kinopoemës, kinopanfletit dhe filmit muzikor shqiptar. Gjatë 3 dekadave të krijimtarisë së tij, i ka dhënë kinematografisë sonë, mbi 150 filma kronikalë e dokumentarë, që përbëjnë një thesar të paçmuar, një shkollë arti, një arkiv të vërtetë historik, për zhvillimet e kinematografisë, por edhe të gjithë vendit në ato vite të stuhishme. Endri Keko, ka lënë mbi 50 skenarë filmash dokumentarë, si dhe një numër të madh artikujsh, kritika arti, dhe kujtime mbi zhvillimin e kinematografisë. Për veprimtarinë e tij, ka marrë dy herë çmimin e Republikës dhe titullin “Artist i Popullit”.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj