Në një familje artizanësh të dëgjuar por edhe muzikantësh të apasionuar, më 30 Janar 1926, lindi Tish Daija, kompozitori dhe veprimtari me fizionomi thellësisht kombëtare. Që në fëmijëri, u mor me muzikë dhe u diplomua për kompozim në Konservatorin “Çajkovski” të Moskës. Kur ishte vetëm 13 vjeç kompozoi këngët e para “Çikë mori çikë”, “Nal bre vashë”, “Me lule t’ bukra”, “Sylarushe”, që këndohen edhe sot. Por ai njihet edhe si krijues i baletit “Halili dhe Hajrija”, “Bijtë e peshkatarit”, që u bënë gurët e parë themeltarë të baletit kombëtar shqiptar, autor i veprave “Pranvera”, “Vjosa”; të operetave “Lejlaja” dhe “Vjeshta e artë”. Në trashëgiminë artistike të Tish Daisë hyjnë edhe 1000 këngë por do të ishte i mangët kontributi i tij pa rolin që ka luajtur në “Ansamblin e Këngëve dhe Valleve”. Baleti “Halili dhe Hajrija” është luajtur mbi 200 herë duke përfshirë edhe skenat e Francës, Italisë, Kosovës dhe Maqedonisë. Tish Daija ka marrë pjesë aktive në të gjitha festivalet e këngës në Radio-Televizion dhe ka fituar 10 çmime në festivalet e këngës për fëmijë.
Referencat:
Thimi Çollaku / Kalendari i botës shqiptare
You may also like
-
28 Tetor 1879, 1000 malësorë të armatosur, vullnetarë në mbrojtje të Plavës dhe Gucisë
-
28 Tetor 1897, burgoset nga osmanët patrioti Murat Toptani
-
28 Tetor 1922, u lind Gaqo Shqau, pedagog
-
28 Tetor 1927, manifestimi i parë antifashist në Shkodër
-
28 Tetor 1937, konkurs ndërkombëtar kulture për monumentin e Skënderbeut