Në Mitrovicë të Kosovës, më 3 Shkurt 1913, u lind një nga figurat më të ndritura të futbollit shqiptar, Riza Lushta, ose siç e quanin brezat e vjetër “Lushta”. Në vitin 1920 familja e tij u zhvendos në Tiranë, dhe ai duke luajtur më top lecke nëpër rrugicat e ngushta të kryeqytetit u shqua ndër moshatarët, derisa zuri vend në radhët e skuadrës “Sport Klub Tirana”. Kësaj skuadre i siguroi disa fitore të bujshmë, jo vetëm me skuadra të vendit, por edhe në ndeshje me ekipe të huaja. Pas viteve 40 ai u bë golashënues me disa ekipe përfshirë këtu edhe Juventusin e famshëm. Karrierën futbollistike Lushta e mbylli në skuadrën franceze të Kanës. Ai la gjurmë jo vetëm në historinë e sportit shqiptar por edhe të vendeve të tjera, duke nderuar emrin e shqiptarit në stadiumet më të mëdha të Europës.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj