Më 3 Korrik 1966, mjekësia shqiptare humbi një nga figurat e saj më të shquara, kirurgun dhe mjekun e shquar, Sotir Polena. Ai u lind në Korçë, më 1902, në një familje të shquar mjekësh. Mësimet e para i mori në vendlindje dhe i vazhdoi në Follorinë dhe Athinë. U diplomua për mjekësi në Mynih të Gjermanisë. Më 1927 mbrojti shkëlqyeshëm doktoraturën, në Universitetin bavarez, “Ludvik Maksimilian”. Pas studimeve, atij i ofruan disa vende pune jashtë vendit, por ai preferoi Shqipërinë e varfër dhe të prapambetur dhe, për më shumë se 40 vjet, i shërbeu bashkatdhetarëve të vet, me përkushtim dhe devotshmëri, duke luftuar me vdekjen, për triumfn e jetës njerëzore. Duke vlerësuar rrugën e pavdeksisë, që ndoqi Sotir Polena, qyteti i lindjes e ka shpallur atë, “Qytetar nderi”.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj