Ekrani shqiptar, sot kremton përvjetorin e lindjes së njërit prej pionerëve të kinematografisë sonë, regjizorit dhe skenografit të shquar, Hysen Hakani. Lindi në Berat më 28 Korrik 1932. Pas përfundimit të Liceut Artistik, “Jordan Misja” për aktor, vazhdoi studimet e larta për regji filmi, në Fakultetin e Filmit “FAMU” në Pragë të Çekisë. Si temë diplome, xhiroi filmin e parë artistik shqiptar me metrazh të shkurtër, “Fëmijët e saj”, ku ka përgatitur dhe skenarin e tij. Pra, ai është dhe autor i skenarit të parë të filmit artistik shqiptar. Në bibliografinë krijuese, të Hysen Hakanit, numërohen 11 filma artistikë, 10 filma kronikal dhe dokumentar dhe skenarët e 5 filmave.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj