Viti 1462, ka qënë vit i ngjarjeve të shumta në epopenë e popullit shqiptar. Sapo u kthye fitimtar nga ekspedita, që ndërmori në Itali, në ndihmë të aleatit të vet, Mbretit të Napolit, Gjergj Kastriotit, iu desh të përballonte tri ekspedita, të dërguara njëra pas tjetrës nga Sulltani, të cilat përfunduan me disfatë të plotë për armikun. E fundit prej tyre, u zhvillua më 27 Gusht 1462, në Livadit, pranë Ohrit. Ushtria osmane e komanduar nga Karanxha beu, përgjohej nga zbulimi shqiptar. Skëndërbeu përcaktoi me kohë drejtimin e ardhjes së saj dhe organizoi shumë prita, për të shpartalluar pararojën e kundërshtarit. Osmanët u detyruan të ndryshojnë drejtimin e marshimit dhe u vendosën në kamp lufte në Livadit. Forcat shqiptare, që i ndiqnin i goditën në befasi. Vetëm shiu i furishëm, i shpëtoi pushtuesit nga shpartallimi i plotë.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj