Në një familje ikonografësh, më 26 Maj 1913, u lind piktorja e parë shqiptare Androniqi Zengo-Antoniu. Talentin dhe mësimet e para për pikturë, i trashëgoi nga i ati Vangjel Zengo dhe u diplomua në Akademinë e Arteve të Bukura të Athinës. Veprimtarinë artistike e filloi si ikonografe, duke zbukuruar kishat e rrethit të Korçës dhe Devollit dhe e vazhdoi, duke ndjekur metodën e impresionizmit dhe realizmit, duke u shquar në gjininë e portretit dhe te pejsazhit. Pas diplomimit dhe gjatë gjithë jetës së saj, dha mësime vizatimi dhe në kohën e lirë pikturonte. Shtatë dekada më parë, ajo hapi ekspozitën e parë vetiake, që përbënte një ngjarje të jashtëzakonshme për artin tonë. Gjatë jetës së saj hapi dhe 3 ekspozita të tjera vetiake dhe mori pjesë, në shumë ekspozita kolektive. Androniqi është e para piktore shqiptare, që mori pjesë me 15 vepra në ekspozitën ndërkombëtare të New York, në vitin 1939 dhe në konkursin ndërkombëtar të Barit, ku u vlerësua me çmim të tretë.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj