Në Podgoricë, më 23 Janar 1916, u vra pabesisht nga malazezët heroi i kombit shqiptar Isa Boletini. Bashkë me të ranë edhe djemtë e tij Halili dhe Zahidi, dy nipërit,dhe tre luftëtarë të tjerë. Isa Boletini ishte vetëm 17 vjeç kur mori pjesë në luftimet që zhvilluan njësitë e “Lidhjes së Prizrenit” kundër forcave osmane. Ishte një ndër themeluesit dhe drejtuesit e “Lidhjes Shqiptare të Pejës”, dhe organizator i “Kuvendit të Ferizajt”. Në vitin 1912 ishte në krah dhe në mbrojtje të Ismail Qemalit në ngritjen e Flamurit. Ai organizoi forcat e armatosura në mbrojtje të Qeverisë së Vlorës. Në 51 vite jetë Isa Boletini me trimëri e vendosmëri luftoi si pak të tjerë për kombin shqiptar.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj