Më 21 Qershor 1921, u lind mjeku Arian Xhumari, një ndër pionerët e neokirurgjisë shqiptare, që la gjurmë në shkencat mjekësore dhe më gjërë. Studimet e larta mjekësore, i filloi në Pragë dhe i përfundoi në Tiranë. Më 1970, u specializua në Francë në fushën e neokirurgjisë. Disertacioni për klinikën e tumoreve intrakraniale te fëmijët u vlerësua si një përvojë e vlefshme jo vetëm për neuroshkencën shqiptare, por edhe për atë europiane. Krahas punës praktike, mjeku i talentuar, u angazhua edhe në fushën e pedagogjisë për përgatitjen e mjekëve të rinj. Me ndihmesën e tij u ngritën në Tiranë edhe kurset pasuniversitare, për specializimin e neokirurgëve që punonin nëpër rrethe. Ai ka përfaqësuar me dinjitet neokirurgjinë shqiptare, në tubimet shkencore ballkanike dhe europiane, ku ka referuar për arritjet dhe përvojën shqiptare. Ka qënë Kryetar i Shoqatës së neokirurgëve shqiptarë dhe anëtar themelues i Shoqatës Ballkanike të Onkologjisë, anëtar i Shoqatës Europiane të neokirurgjisë e anëtar i Akademisë së Shkencave të Nju Jorkut dhe një ndër emrat e përfshirë në enciklopedinë biografike, “Marqusi Who’s Who in the Word”.
Referencat:
Thimi Çollaku / Kalendari i botës shqiptare
You may also like
-
3 Prill 1880, u formua në Shkodër “Lidhja mbrojtëse e malësisë dhe e qytetit”
-
3 Prill 1937, albanologu austriak Henri Shats nisi një ekspeditë studimore në alpet shqiptare
-
3 Prill 1939, në prag të pushtimit Italian, shtypi shqiptar pushtohet nga propaganda fashiste
-
3 Prill 1939, shfaqja patriotike në kinema Gloria solli manifestime të forta antifashiste në Tiranë
-
3 Prill 1940, u krijua në Shqipëri Këshilli i Epërm Fashist Korporativ