Mjeku Dhimitër Lito, pioner i luftës kundër epidemisë së tuberkulozit në vendin tonë, u lind në Gjirokastër, më 21 Korrik 1915. Studimet mjekësore i nisi në Athinë dhe i përfundoi në Universitetin e Romës. Pas diplomimit, u kthye ne Atdhe dhe iu përkushtua mbrojtjes së shëndetit të popullit të vet. Gjatë kohës së luftës ndihmoi Lëvizjen Nacionalçlirimtare. Pas çlirimit, dha ndihmesën për ngritjen e Senatoriumit të Korçës, ku punoi si drejtor. Ai e ktheu atë, në një nga qëndrat më të rëndësishme të luftës kundër tuberkulozit. Edhe në Shkodër, u dërgua për ngritjen e Senatoriumit antituberkular, të cilin e drejtoi për tridhjet vjet me rradhë. Duke përgjithësuar përvojën e kësaj pune, ai mbrojti doktoraturën dhe fitoi titullin e profesorit. Edhe disa breza studentësh të Institutit të Lartë Pedagogjik të Shkodrës, e kujtojnë nivelin e lartë të leksioneve, mbi anatominë dhe fiziologjinë, që profesor Lito mbante para tyre.
Referencat:
Thimi Çollaku / Kalendari i botës shqiptare
You may also like
-
2 Prill 1688, lufta e malësorëve shqiptarë kundër Sulejman Pashës në Medun
-
2 Prill 1769, betejë e Bushatllinjve në Zadrimë për të nënështruar krerët lokalë
-
2 Prill 1872, vdiq gjuhëtari arbëresh Andrea Dara
-
2 Prill 1910, nisën punimet e Kongresit të dytë të Manastirit
-
2 Prill 1914, Themistokli Gërmenji e koloneli Snellen shtypën puçin grek në Korçë