Ibrahim Rugova
Në Cerrë të komunës së Istogut në Kosovë, më 2 Dhjetor 1944, u lind shkrimtari, studiuesi dhe politikani i shquar kosovar Ibrahim Rugova, presidenti i parë i Republikës së Kosovës. U diplomua për gjuhë-letërsi në Universitetin e Prishtinës. Karrierën e tij e filloi si arsimtar dhe redaktor i fletores “Bota e re”. Në Institutin Albanologjik të Prishtinës u shqua si kritik dhe estet letrar, gjë që e shpuri në postin e kryetarit të shoqatës së shkrimtarëve të Kosovës dhe i dha titullin e lartë “Doktor i Shkencave”. Sukses më të madh pati Ibrahim Rugova, në luftën politike, ai ishte nismëtar dhe drejtues i lidhjes Demokratike të Kosovës dhe në zgjedhjet e para parlamentare dhe presidenciale, në Maj të vitit 1992, ai u zgjodh në postin e lartë të Presidentit të Republikës, detyrë patriotike, që e kreu deri në fund të jetës.
Referencat:
Thimi Çollaku / Kalendari i botës shqiptare
You may also like
-
6 Dhjetor 1454, Alfonsi, aleat i Skënderbeut i kërkon Papës mbështetjen kundër turqëve
-
6 Dhjetor 1767, kremtohet sot përvjetori i patriotit Naum Veqilharxhi
-
6 Dhjetor 1912, Qeveria e Vlorës mban në fuqi “Ligjet e Perandorisë”
-
6 Dhjetor 1921, Qazim Koculi emërohet kryeministër dhe dorëhiqet po atë ditë
-
6 Dhjetor 1922, Konferenca e Ambasadorëve ia lë Shën Naumin Shqipërisë