Nëpërmjet letrës së Senatit të Raguzës, datë 18 Maj 1430, drejtuar ambasadorit të vet në Bosnjë, mësojmë mbi shtypjen e kryengritjes së Gjon Kastriotit. “Sulltani pushtoi Selanikun, thuhet në letër, dhe pasi mori një pjesë të njerëzve të tij e i dërgoi në More dhe një pjesë kundër zotërimeve të vendit të Gjon Kastriotit. Gjonit ata i morën katër fortesa…që i rrafshuan përdhe…”. Por ai, mundi të merrej vesh me Turqit dhe të shpëtonte një pjesë të zotërimeve të veta, me kushte shumë të rënda. Kruja dhe Sfetigradi, i kaluan ushtrisë turke; krahina e Dibrës, u shkëput nga zotërimet e Kastriotëve. Gjoni u ngarkua me një haraç të rëndë, u detyrua si më parë të shërbente në ushtrinë turke dhe të dërgonte në Stamboll, djerntë e vet si peng të Sulltanit.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj