Piktori i Merituar Ksenofon Dilo, u lind në Gjirokastër, më 15 Janar 1932. U diplomua në Akademinë e Arteve të Bukura në Pragë dhe në 1958, filloi karrierën e tij si piktor filmi në filmin shqiptaro-sovjetik “Furtuna”. Më pas realizoi skenografinë e filmave “Debatik” të Hysen Hakanit, “Detyrë e posaçme” të Kristaq Dhamos, “Komisari i dritës” të Dhimitër Anagnostit, “Ngadhnjim mbi vdekjen” të Gëzim Erebarës dhe të shumë filmave të tjerë. Pas vitit 1975, ai zgjidhet sekretar i Lidhjes së Shkrimtarëve dhe Artistëve të Shqipërisë për artet figurative, punonte si skenograf në Teatrin e Operas dhe Baletit në Tiranë dhe deri sa doli në pension ishte drejtor i Galerisë së Arteve.
Referencat:
Thimi Çollaku / Kalendari i botës shqiptare
You may also like
-
14 Maj 1948, u krijua shteti i Izraelit
-
14 Maj 1997, Kuvendi i Shqipërisë i hapi rrugë krijimit të mediave elektronike private në vendin tonë
-
14 Maj 1927, u lind gazetari Milto Ferre në fshatin Sinjë të rrethit të Beratit
-
14 Maj 1921, u lind Haxhi Hafiz Sabri Koçi në Oranjë të Librazhdit
-
14 Maj 1955, Republika Popullore e Shqipërisë, u bë anëtare e Traktatit të Varshavës