Pedagogu dhe studiuesi i shquar Lirak Dodbiba, u lind në Elbasan, në Nëntor të vitit 1912. Mësimet e para i mori në vendlindje dhe në Itali dhe u diplomua në Universitetin e Lionit për psikologji. Pas kthimit në atdhe emërohet inspektor i Arsimit në Berat. Në prill të vitit 1941, bashkë me shumë arsimtarë të tjerë, shkon vullnetar për të dhënë mësim në shkollat e Kosovës. Pas kthimit dha mësim në institutin Teknik “Karl Gega” në gjimnazin e Tiranës dhe më pas më institutin Pedagogjik që u hap në Tiranë. Ai ka lënë 6 metodika të mësimdhënies së gjuhës shqipe, tekste mësimore për pedagogjinë, psikologjinë dhe logjikën, është autor i fjalorëve terminologjik, tekniko-shkencorë në tri gjuhë për 17 degë të shkencave, bashkëautor i Atlasit Linguistik të Mesdheut që është botuar nga Fondacioni Grigorio Cini di Venezia. Në bashkëpunim më pedagogun Petër Elezi kanë pregatitur dhe botuar tekstin “Gramatika e gjuhës shqipe”. Dodbiba është dekoruar me titullin “Mësues i Merituar”, “Bashkëpunëtor i vjetër shkencor” dhe është dekoruar me disa medalje dhe urdhëra. U nda nga jeta më 14 Shkurt 1982.
Referencat:
Thimi Çollaku / Kalendari i botës shqiptare
You may also like
-
20 Tetor 1900, u shua poeti ynë kombëtar Naim Frashëri
-
20 Tetor 1715, botimi i Françesko da Leçe, libër themelor i gramatikës shqip
-
20 Tetor 1752, u pikturua nga vëllezërit Zografi kisha e “12 Apostujve”
-
20 Tetor 1784, testament i tregtarit Shkodran Gjergj Kraja
-
20 Tetor 1880, u mbajt Kuvendi i Përgjithshëm, në Dibër