Në një familje të vogël elbasanase, më 14 Qershor 1932, u lind inxhinieri Virgjil Budo. U diplomua për gjeologji dhe gjithë jetën ia kushtoi studimit dhe kërkimeve të thesareve të nënëtokës shqiptare. Nga auditorët e universitetit, filloi kërkimet gjeologjike në Bulqizë. Më pas, punoi si kryegjeolog në Ndërmarrjen Gjeologjike-Topografike të Tiranës, në sektorin Shkencor të Fakultetit të Gjeologjisë e Minierave. Objektivi kryesor në studimet dhe kërkimet e Virgjil Budos, ka qënë minerali i kromit dhe sidomos kërkimi i arit. Tridhjet vjet u mor me gjurmët e metalit të çmuar në shtretërit e lumenjve, në shkëmbinjtë rrënjësor dhe në burimet sulfur-bakërmbajtëse në Rrënjoll, Gjazuj e gjetkë. Ai është bashkautor i studimit tematiko-përgjithësues, për sqarimin e përmbajtjes së arit në zonat perspektive të rajoneve të Librazhdit, Mirditës, Lezhës, Pukës dhe për nikel-bakër-sulfur-platinin, në zonat perspektive të Matit dhe Librazhdit.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj