Në Shkodër, më 10 Gusht 1882, u lind patrioti dhe shkrimtari Risto Siliqi. Mësimet e para i mori në vendlindje. I përndjekur nga pushtuesit osmanë, bashkë me 3 vëllezërit, u detyrua të arratiset në Çetinë, ku hapën hotelin “Albania”, që u bë qëndër e kryengritësve shqiptarë. Në vitin 1905, u lidh me Hil Mosin, Luigj Gurakuqin dhe patriotë të tjerë dhe bashkëpunuan për çështjen shqiptare. Më 1911, u kthye në Shkodër dhe në gazetat e kohës, demaskoi politikën e xhonturqve. Në qershortë vitit 1913, Hil Mosi bashkë me Karl Sumën, botuan gazetën “Shqypnia e re”, ku panë dritë shumë shkrime të tij. Ndërkohë bashkëpunoi edhe me gazetën “Atdheu”, që delte në Kostancë të Rumanisë dhe në Shkodër. Si pjesëtar i rrymës demokratike, pas shtypjes së Revolucionit të Qershorit, u largua nga politika dhe punoi si avokat, deri sa vdiq në vitin 1936.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj