Shkrimtari i madh, Dritëro Agolli u shua më datë 3 Shkurt 2017 në moshën 85-vjeçare. Ai lindi në Menkulas të Devollit. Pasi mori mësimet e para në vendlindje, vazhdoi gjìmnazin e Gjirokastrës. Studimet e larta për letërsi i mbaroi në Petërburg. Ka punuar shumë kohë gazetar në gazetën e përditshme “Zëri i popullit”, dhe për shumë vjet ka qenë Kryetar i Lidhjes së shkrimtarëve dhe artistëve të Shqipërisë. Për tridhjetë vjet me radhë Dritëro Agolli u zgjodh deputet. Dritëro Agolli hyri që në fillim në letërsinë shqiptare (vitet’60) si një protagonist i saj, duke i ndryshuar përmasën e së ardhmes. Në veprën e Agollit e pa veten si protagonist bujku dhe bariu, fshatari dhe studenti, malësori dhe fusharaku. Agolli u bë poeti i tokës dhe i dashurisë për të, shkrimtari i filozofisë dhe i dhimbjes njerëzore. Vepra letrare e Dritëro Agollit krijoi traditën e re të letërsisë shqiptare. Ajo na bën të ndihemi me dinjitet përballë botës.
Referencat:
Thimi Çollaku / Kalendari i botës shqiptare
You may also like
-
12 Mars 1903, në Kongresin e Shoqërisë Patriotike “Drita” u kërkua shkollë dhe kishë në gjuhën shqipe
-
12 Mars 1921, u hap në Korçë e kinemaja e parë publike “Moderne”
-
12 Mars 1923, u mbajt Kongresi Muhamedan me përfaqësues nga e gjithë Shqipëria
-
12 Mars 1923, protestuesit e uritur kërkuan të hapen hambarët e tregëtarëve
-
12 Mars 1933, lindi piktori Sali Shijaku