Në Qershor të vitit 1444, një ushtri turke me rreth 250 mijë vetë, e komanduar nga Ali Pasha, hyri në Shqipëri nga lugina e Drinit të Zi, në drejtim të Dibrës. Skënderbeu i doli përpara dhe të dy ushtritë u ndeshen në fushën e Dibrës, më 29 Qershor. Ushtria shqiptare e ndarë në 3 pjesë, manovroi me mjeshtëri, u tërhoq sikur të ishte thyer, deri sa e futi ushtrinë turke në fushën e ngushtë të Torviollit, të rrethuar me male e pyje. Kur komandanti turk, kujtoi se i kishte futur shqiptarët në kurth, u sulmua nga të gjithë anët nga forcat e Skëndërbeut dhe u shpartallua plotësisht… Sipas Barletit, që e përshkruan betejën, turqit lanë në fushën e luftës 22 mijë të vrarë, 2000 u zunë rob dhe 24 flamuj ranë në duart e shqiptarëve. Edhe shqiptarët lanë në fushën e betejës, 3800 të vrarë.
Referencat:
Thimi Çollaku / Kalendari i botës shqiptare
You may also like
-
19 Prill 1785, marrëveshje e Bushatllinjve të Shkodrës me krerët e Dalmacisë
-
19 Prill 1923, lindi në Tiranë piktorja Vera Blloshmi
-
19 Prill 1938, u përfundua me Jugosllavinë “Konventa mbi lundrimin ajror”
-
19 Prill 1956, u rivendosën marrëdhëniet diplomatike midis Shqipërisë dhe Egjiptit
-
19 Prill 1982 u nda nga jeta pedagogu dhe publicisti Izet Bebeziqi