29 Mars 1991, premierë në Teatrin Kombëtar e dramës “Vizita e damës plakë”

Skena e Teatrit Kombëtar u gjallërua, më 29 Mars 1991, me premierën e suksesshme të dramës “Vizita e damës plakë”, vepër e dramaturgut me emër botëror Fridrih Dyrenmat. Shfaqja u përgatit nga regjizori Gëzim Kame. Për herë të parë pas 20 vjet përndjekjesh, u ngjit në skenë artistja e talentuar Edi Luarasi. Bashkë me të interpretuan artistët, Pirro Mani, Robert Ndrenika, Andon Qesari, Reshat Arbana, etj. Skenografia e shfaqjes u përgatit nga Agim Zajmi, koreografia nga Luan Shtino dhe muzika e Alfred Kaçinarit.

Referencat:

Thimi Çollaku / Kalendari i botës shqiptare