Më 2 Mars 1914, në jug të vendit u kurdis e ashtuquajtura “autonomia e Vorio Epirit”, nën kryesinë e ish zëvendësministrit të jashtëm të Athinës, Jorgji Zografi, i biri i bankierit grekoman Kristaq Zografi nga Qestorati. Autoritetet greke në Gjirokastër organizuan “Kongresin Epiriot”, i cili shpalli “autonominë” e Shqipërisë së Jugut dhe formoi një “qeveri të përkohëshme” në kryesinë e Kristaq Zografit. Disa ditë më vonë edhe majori i ushtrisë greke, himarioti Spiro Spiromilo, shpalli “autonominë e Himarës” që përfshinte 7 fshatra të banuara nga shqiptarë. Në këtë mënyrë “Vorio-Epiri autonom”, përfshinte Gjirokastrën, Himarën, Sarandën dhe Përmetin. Kjo duhej të shërbente si mbështetje për shovinistët grek, që në një moment të favorshëm të pushtonin gjithë Shqipërinë e Jugut.
Referencat:
Thimi Çollaku / Kalendari i botës shqiptare
You may also like
-
29 Mars 1915, Nikollë Ivanaj botoi në Shkodër numrin e parë të gazetës ”Lidhja Kombëtare”
-
29 Mars 1913, Ismail Qemali, Luigj Gurakuqi dhe Isa Boletini u nisën për në Londër
-
29 Mars 1925, ra duke luftuar në shpellën e Dragobisë Bajram Curri
-
29 Mars 1925, ministri Myfit Libohova nënshkroi marrëveshjen për themelimin e Bankës Kombëtare
-
29 Mars 1945, Qeveria Shqiptare bëri kërkesën zyrtare për pranimin në OKB