llia Shyti, një enciklopedi e vogël e artit tonë, u lind në Lushnjë, më 19 Korrik 1929. Jetën skenike e filloi në teatrin partizan. Pas betejave kundër fashistëve, luante për shokët e armëve, për fshatarët në zonat e çliruara. Çlirimi i vendit i hapi shtigje të reja për talentin dhe pasionet e tij. Janë mbi 100 role të luajtura prej tij, në fshatra e qytete. Janë mbi 50 filma ku ai ka lënë gjurmë, duke filluar nga filmi i parë artistik ”Tana” dhe duke përfunduar me ”Tingujt e harresës”. Illa Shyti, ka qënë drejtor i shtëpisë së kulturës, regjizor, skenograf, aktor dhe piktor. Janë mbi 400 portrete artistësh, që kanë dalë nga peneli i tij. Në fonotekën e Radio Tiranës dhe arkivin e Televizionit Publik Shqiptar, ruhen jo qindra por mijëra inçizime dhe filmime me zërin dhe figurën e artistit. Vetëm në emisionet për fëmijë, janë mbi 2000 përralla të interpretuara prej tij.
Referencat:
Thimi Çollaku / Kalendari i botës shqiptare
You may also like
-
20 Prill 1881, lindi në Bujan të Tropojës luftëtari i lirisë, Zmajl Hyseni
-
20 Prill 1877, u botua në Bukuresht abetarja”Pellazgjika”, e Vasil Dhimitër Rusos
-
20 Prill 1905, gjyqi turk dënoi Bab Dud Karbunarën për veprimtarinë e tij patriotike
-
20 Prill 1920, u formua në Vlorë, Komiteti “Mbrojtja Kombëtare”
-
20 Prill 1924, Isuf Reçi, plagosi për vdekje Avni Rustemin, një nga krerët e opozitës demokratike