Aktori dhe regjizori i talentuar, Pirro Mani u lind, më 14 Prill 1932. Fati i tij u përcaktua, kur iu dha e drejta për të ndjekur studimet e larta, në Institutin e Kinematografisë në Moskë. Atje u shqua për talentin e tij të rrallë, sidomos në pjesën “Pamje nga ura”. Në vitin 1961, u kthye në Shqipëri dhe u emërua regjizor në Teatrin “Andon Zako Çajupi” të Korçës. Pas 5 vjetëve, për karrierë të suksesshme, u emërua regjizor në Teatrin Popullor të Tiranës. Vepra e parë, që përgatiti për publikun kryeqytetas, ishte “Cuca e maleve” e Loni Papës, pjesë që edhe u ekranizua dhe u luajt edhe në Skenën e Teatrit të Operas dhe Baletit. Artëdashësit tanë, në vitet që pasuan patën fatin të ndjekin edhe shumë pjesë të tjera të vëna në skenë, nga regjizori Pirro Mani dhe shumë role të skalitura nga aktori i talentuar.
Referencat:
Thimi Çollaku / Kalendari i botës shqiptare
You may also like
-
28 Mars 378, përkujtohet Perandori Romak me prejardhje ilire, Valens Flavi
-
28 Mars 1805, koloneli anglez përshkruan kostumet fantastike shqiptare të Moresë
-
28 Mars 1913, Duka Montpensiere i Burbonëve ngriti flamurin shqiptar mbi jahtin e tij në Vlorë
-
28 Mars 1924, u krijua në Tiranë shoqëria e grave “Shqiptarka”
-
28 Mars 1929, u nënshkrua Traktati i Tregëtisë dhe Lundrimit Shqipëri-Francë