Në Kosinë të Përmetit, më 12 Shkurt 1932, u lind mjeku Mantho Nakuçi. Pas diplomimit në Fakultetin e Mjekësisë në vitin 1957, punoi në rrethet e Përmetit, Tepelenës dhe Durrësit. Në vitin 1968 transferohet në Tiranë, si pedagog i Fakultetit të Mjekësisë dhe pas katër vitesh emërohet shef i Katedrës së Dermatologjisë. Veprimtaria e tij e gjerë pedagogjike, shkencore dhe artistike çoi në botimin e dhjetra artikujve shkencorë, si dhe në marrjen e titullit Profesor dhe Çmimin e Republikës. Për meritat e tij shkencore dhe kulturore instituti Amerikan i Biografive i ka përzgjedhur në “Five Hundred Ladders of influence”, për vitin 1999, Qendra Ndërkombëtare e Boigrafive të Kembrixhit e ka nderuar me medaljen “International Man of Millennium” dhe e ka përfshirë në Fjalorin Ndërkombëtar të Biografive për vitin 1999, ndërsa shoqatat e dermatologëve të Francës, Greqisë dhe Bullgarisë e kanë anëtarësuar në gjirin e tyre.
Referencat:
Thimi Çollaku / Kalendari i botës shqiptare
You may also like
-
23 Prill 1995 u vendos “Dita Botërore e Librit dhe e të Drejtave të Autorit”
-
23 Prill 1682 lindi prijësi kishtar, Gjergj Guxeta
-
23 Prill 1872 lindi gjuhëtari, përkthyesi dhe diplomati Gjergj Pekmezi
-
23 Prill 1881 merr fund Lidhja e Prizrenit
-
23 Prill 1905 u mblodh në Bukuresht kongresi për organizimin e lëvizjes shqiptare për pavarësi