U lind në Berat, më 8 Gusht 1925, shkrimtari desident Kasem Trebeshina. Mësimet e para i mori në Elbasan; atje mbaroi dhe shkollën Normale për mësues. Pas maturës, iu dha bursa për të ndjekur studimet në Institutin e Lartë të Teatrit “Nikolla Ostrovski”, në Leningrad, por për shkak të bindjeve të tij politike, i ndërpreu studimet dhe u kthye në Shqipëri. Pasioni i Kasem Trebeshinës ishte letërsia. Filloi të shkruante që në rini, por shumica e veprave të tij, nuk u botuan, sepse nuk i përshtateshin frymës të realizmit socialist. Libri i parë i Kasem Trebeshinës me titull “Rinia e kohës sonë”, u botua në vitin 1948. Tre vjet më vonë, doli në dritë vëllimi i dytë, “Mbarimi i një mbretërie”, që u pasua me vepra të tjera si, “Artani dhe Minja”, “Stina e stinëve”, etj. Por ai është autor i 140 titujve të shkruar, e të pabotuar dhe shkaku madhor, është promemorja e dërguar prej tij Enver Hoxhës, në tetor të vitit 1953, ku shprehte hapur pikëpamjet e tij mbi regjimin dhe organet e tij në Shqipëri. Rezultat i kësaj, ishin 17 vjet privim lirie dhe ndalimi i plotë i veprave të tij. Vetëm pas ndryshimeve të fundit, kanë filluar të botohen në Tiranë dhe Prishtinë, disa nga veprat e shkrimtarit disident.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj