Blerim Reka, u lind në Shkup, më 22 Maj 1960. U diplomua për jurisprudencë në Universitetin e Prishtinës; atje mbrojti dhe doktoraturën në fushën e së drejtës ndërkombëtare. Karrierën si gazetar dhe komentator, e nisi në gazetën “Rilindja” të Prishtinës dhe me mbylljen e saj, u emërua drejtor i gazetës “Bujku”. Njëherësh ka punuar dhe si korrespondent i BBC-së, themelues dhe kryeredaktor i revistës juridike “Kosova Law Review” si dhe i revistës shkencore “Euro-Atlantic Review”. Blerim Reka, është shquar edhe në fushën e pedagogjisë. Ka qënë lektor dhe dekan në Fakultetin e Administratës Publike të Universitetit të Europës Jug-Lindore, lektor i marrëdhënieve ndërkombëtare në Departamentin e Shkencave Politike të Universitetit të Prishtinës, i së drejtës në Bashkimin Europian, në Fakultetin Juridik të Universitetit të Tetovës, i etikës gazetareske në Shkollën e Gazetarisë, “Faik Konica” të Prishtinës, etj. Nga pena e tij, kanë dalë disa vepra studimore të shkencave juridike.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj